Прэмія для маладых даследчыкаў і даследчыц Belarus Young Researchers Award

Дэдлайн падачы заяўкі: 3 снежня 2025 года

Гэта ўзнагарода для тых, хто гатовы прапанаваць новыя ідэі і рашэнні для актуальных сацыяльных, палітычных і эканамічных праблем, што стаяць перад Беларуссю або беларускай дыяспарай. Прымаюць на конкурс канцэпцыі аналітычных запісак, якія рэдактарская каманда Банка Ідэй дапаможа распрацаваць у паўнавартасныя аналітычныя матэрыялы.

Узнагароды:

• грашовая прэмія – да 1500 € (брута);
• ментарская і рэдактарская падтрымка;
• публікацыя аналітычнай запіскі (да 2000 словаў) на платформе Банк Ідэй.

Прыклады тэмаў:

• палітычныя і грамадскія стратэгіі для дэмакратычных пераменаў;
• эканамічнае аднаўленне і рэформы, развіццё бізнесу;
• міжнароднае супрацоўніцтва, дыпламатыя і знешняя палітыка;
• тэхналогіі, медыя і барацьба з дэзынфармацыяй;
• сацыяльная згуртаванасць, выбудоўванне сувязяў паміж рознымі актарамі грамадзянскай супольнасці і нацыянальны дыялог.

Умовы ўдзелу: 

• не менш за 2 гады досведу даследчай, аналітычнай або журналісцкай дзейнасці, ці навучанне ў магістратуры або PhD па сацыяльных, палітычных ці эканамічных спецыяльнасцях;
• партфоліа з мінімум адной аналітычнай публікацыяй або даследаваннем, дзе вы з’яўляецеся галоўным аўтарам ці аўтаркай;
• узрост да 35 гадоў, і беларускае грамадзянства.

Тэрмін працы: да 2 месяцаў. Пераможцы мусяць прадставіць гатовыя аналітычныя артыкулы не пазней за 1 сакавіка 2026 года.

Як стаць удзельнікам: 

1. Запампуйце і запоўніце шаблон заяўкі
2. Прайдзіце рэгістрацыю, там жа прымацуйце рэлевантнае CV на англійскай мове і заяўку.

* Канчатковая сума падтрымкі будзе залежаць ад вашага юрыдычнага статусу (індывідуальны прадпрымальнік, арганізацыя, фізічная асоба і г.д.) і краіны вашага пражывання / падатковай рэзідэнцыі.

Конкурс праводзіцца ў межах праекту, які фінансуецца Еўрапейскім саюзам.

---