На прэмію UNESCO/Guillermo Cano World Press Freedom Prize 2026 могуць быць намінаваныя журналісты і арганізацыі, чыя дзейнасць спрыяе свабодзе прэсы.
Дэдлайн заявак: 15 лютага 2026 года
Сусветная прэмія ЮНЕСКА/Гільерма Кано (UNESCO/Guillermo Cano World Press Freedom Prize) за ўнёсак у справу свабоды слова прысуджаецца за садзейнічанне або значны ўклад у справу абароны свабоды прэсы ва ўсім свеце, асабліва калі такая дзейнасць звязана з рызыкай. Памер прэміі: 25 000 долараў ЗША.
Дзяржавы-сябры ЮНЕСКА, міжнародныя і рэгіянальныя, прафесійныя і няўрадавыя арганізацыі, якія займаюцца пытаннямі, звязанымі з журналістыкай і свабодай слова, могуць вылучыць да трох кандыдатур.
Пераможца будзе названы на цырымоніі, якая пройдзе 3 мая 2025 года, у Сусветны дзень свабоды друку.
Прымаюцца заяўкі на англійскай і французскай мовах, якія ўключаюць кароткую біяграфію намінанта.
Прэмія названа ў гонар Гільерма Кано Ісасы, калумбійскага журналіста, які быў забіты перад офісам сваёй газеты El Espectador у Багоце, Калумбія, 17 снежня 1986 года.
Перакладзена Прэс-клубам
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
