Прэс-канферэнцыя да Дня палітвязня

Калі: 21 траўня (аўторак) у 11:00 (па Варшаве)

Дзе: у Беларускім доме (ul. Kryniczna 6, Варшава)

На сустрэчы выступяць:

• Міа Міткевіч – былая палітзняволеная, асуджаная на 3 гады калоніі. Цалкам адбыла тэрмін, выйшла на волю восенню 2023 года;
• Дарʼя Афанасьева – былая палітзняволеная, асуджаная на 2,5 гады калоніі. Цалкам адбыла тэрмін. У Дарʼі хранічная астма, таму з-за працы з ненатуральнымі тканінамі ў калоніі ў яе пачаліся праблемы з бронхамі. Вызвалілася 30 сакавіка 2024 года;
• Аляксандр Лойка (па зуму) – муж палітзняволенай Ірыны Слаўнікавай, асуджанай на пяць гадоў калоніі. Ірына Слаўнікава – журналістка, працавала на польскім тэлебачанні. На гэты момант адбывае тэрмін у Гомельскай жаночай калоніі.

На прэс-канферэнцыі будуць абмяркованы пытанні памілавання і ўмовы ўтрымання ў жаночых калоніях.

Акрамя таго:

• вы пачуеце меркаванне былых палітзняволеных аб перамовах з рэжымам і стратэгіях вызвалення;
• ўдзельнікі прэс-канферэнцыі падзеляцца думкамі аб прапагандысцкіх фільмах пра палітвязняў;
• будуць названы імёны жанчын за кратамі, здароўе якіх у вельмі кепскім стане;
• распавядуць пра палітвязняў з цяжкімі захворваннямі (анкалогія) і пра тых, хто ў зняволенні стаў інвалідам;
• распавядуць пра віды дапамогі палітвязням.

Паведаміць пра жаданне прыняць удзел можна на  info@belaruskidom.eu 

---