Press Club Belarus шукае менеджара / менеджарку MediaPort

Што такое MediaPort?

Утульная прыязная прастора ў цэнтры Варшавы, галоўная місія якой – дапамагаць журналістам, якія вымушана з’ехалі з краіны. Ёсць каворк, залі для сустрэч, кухня. Тут працуюць журналісты і журналісткі, рэдакцыі, праходзяць івэнты на актуальныя для медыйшчыкаў тэмы, працуе Медыя Акадэмія.

Каго шукаем?

Гаспадыню або гаспадара нашай прасторы, здольную (здольнага) ўзаемадзейнічаць з рознымі людзьмі, самастойна выбудоўваць працэсы і змяняць іх пры неабходнасці, а таксама ствараць утульнасць і падтрымліваць парадак у нашым каворкінгу. Каманднага гульца, што жадае стаць часткай каманды Прэс-клуба.

Што трэба ўмець і любіць?

Дабразычліва камунікаваць, быць стрэсатрывалым і гнуткім чалавекам, адкрытым да новых ідэй і выклікаў, любіць парадак і чысціню, ну і, канешне, умець працаваць з дакументамі. Знаёмства са светам медыя, досвед працы ў сацсетках і навыкі працы з Excel – пажаданыя.

А якія ўмовы працы?

Гэта праца афлайн, у офісе ў цэнтры горада. Праца з людзьмі, якія вераць, што іх справа – адна з самых важных. Заробак канкурэнтаздольны, па выніках сумоўя.

Калі адчуваеце, што праца для вас,  дасылайце рэзюмэ на пошту press-club@solidarityby.eu. У тэме ліста пазначце “Вакансія MediaPort”. Калі ў вас ёсць нехта, хто можа вас парэкамендаваць (з беларускіх медыяў), напішыце пра гэта.