Радыё Свабода абвяшчае конкурс на журналісцкую стыпендыю імя Вацлава Гаўла

Ілюстрацыя: svaboda.org

Дэдлайн падачы заявак: 1 чэрвеня 2023 года.

Стыпендыя Вацлава Гаўла — гэта сямімесячная праграма, якая дае стыпендыятам глыбокія журналісцкія навыкі і ангажуе іх у штодзённыя рэдакцыйныя задачы і дыскусіі. Стыпендыяты праводзяць паўгода ў штаб-кватэры Радыё Свабодная Еўропа/Радыё Свабода ў Празе, дзе яны знаходзяцца ў адпаведнай моўнай службе, каб атрымліваць штодзённае навучанне без адрыву ад працы, а таксама ментарства з боку дасведчаных прафесіяналаў Радыё Свабода.

Пасля Прагі стыпендыяты праводзяць апошні месяц у мясцовым бюро Радыё Свабода, калі гэта магчыма.

Мэта стыпендыі — дапамагчы журналістам-пачаткоўцам з рэгіёну займацца сваёй прафесіяй у рэчышчы плюралізму і незалежнасці СМІ.

Патрабаванні да кандыдатаў:

• мець не менш як два гады вопыту работы журналістам на роднай мове;
• мець намер працаваць у якасці журналіста ў сваёй краіне або для аўдыторыі ў сваёй краіне;
• падзяляць місію Радыё Свабодная Еўропа/Радыё Свабода;
• валодаць ангельскай мовай.

Падрабязней пра ўмовы стыпендыі

Як падаць заяўку

Заяўка павінна ўключаць:

• дадзеныя пра ўдзельніка;
• матывацыйны ліст;
• тры ўзора работ;
• два рэкамендацыйных ліста;
• рэзюмэ;
• «Ліста да Вацлава Гаўла».

У свой час Вацлаў Гавэл, знаходзячыся ў зняволенні, пісаў сваёй жонцы лісты. Пазней яны былі выдадзеныя як кніга «Лісты да Вольгі».

Падаць заяўку

Стыпендыя імя Вацлава Гаўла заснавана ў 2011 годзе. Яна натхнёна верай былога прэзідэнта Чэхіі ў трансфармацыйную ролю журналістыкі ў барацьбе з тыраніяй і прыгнётам.

Стыпендыя абапіраецца на спадчыну Радыё Свабодная Еўропа/Радыё Свабода ў прасоўванні адкрытасці грамадстваў праз журналістыку. Гэта сумесная ініцыятыва Міністэрства замежных спраў Чэхіі і Радыё Свабода, фінансуецца міністэрствам.

Стыпендыятамі прэміі імя Вацлава Гаўла ад Беларусі раней былі Франак Вячорка, Ганна Любакова, Ігар Лосік, Вітаўт Сіўчык ды іншыя.