«Радыё Свабода» прымае заяўкі на рэгіянальную стыпендыю

Мэта рэгіянальнай стыпендыі ад «Радыё Свабода» – даць магчымасць маладым журналістам атрымаць навыкі і рэдакцыйны досвед, неабходны для падтрымкі стандартаў прафесійнай, незалежнай і этычнай прэсы. Падавацца могуць толькі тыя беларускія журналісты, якія зараз жывуць па-за межамі краіны.

Дэдлайн падачы заявак: 1 ліпеня 2024 года

Тэрмін стыпендыі: з 1 лістапада 2024 года па 30 чэрвеня 2025 года. Восем месяцаў стыпендыяты правядуць у мясцовым бюро «Радыё Свабода», дзе будуць працаваць і атрымаюць настаўніцтва ад калег-прафесіяналаў. У другой палове праграмы стыпендыяты адправяцца ў штаб-кватэру «Радыё Свабода» ў Празе на два тыдні, каб прайсці дадатковую падрыхтоўку.

Крытэрыі адбору: 

  • адукацыя ў галіне журналістыкі ці сумежнай вобласці;
  • досвед працы ў журналістыцы не менш за два гады;
  • прыхільнасць місіі «Радыё Свабода» – прафесійнай, незалежнай і этычнай журналістыцы;
  • валоданне англійскай мовай пажаданае.

Што трэба, каб падацца: 

  • біяграфічная даведка, уключаючы актуальную кантактную інфармацыю;
  • суправаджальны ліст, дзе будуць указаны прычыны, па якіх вы падалі заяўку на стыпендыю, журналісцкія інтарэсы, досвед, які дазваляе вам прэтэндаваць на ўдзел у праграме, а таксама вашыя прафесійныя мэты пасля завяршэння стыпендыі;
  • два ўзоры вашай працы на вашай працоўнай мове, якія былі апублікаваны на працягу 12 месяцаў да крайняга тэрміну падачы заявак.

Матэрыялы заяўкі павінны быць складзены на мове краіны пражывання, але копія рэзюмэ на англійскай мове павінна быць прадстаўлена.

ПАДАЦЬ ЗАЯЎКУ

Перакладзена на беларускую мову Прэс-клубам Беларусь

Падзяліцца:

rferl.org

24 чэрвеня 2024 года
Перадрук матэрыялаў press-club.pro магчымы толькі з дазволу рэдакцыі. Падрабязней...
Press Club BelarusМагчымасцiСтажыроўкі«Радыё Свабода» прымае заяўкі на рэгіянальную стыпендыю

Падпішыся на нашу медыйную рассылку!

Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт

Падпісваючыся на рассылку, вы згаджаецеся з Палітыкай канфідэнцыйнасці
Мы выкарыстоўваем файлы cookies. Правілы канфідэнцыйнасці
Прыняць