Распачаўся набор на адукацыйны фактчэк-марафон «Давярай, але правярай!»

Дэдлайн падачы заявак: 18 красавіка 2023 года, да 12:00 па мінскім часе.

Фактчэк-марафон складаецца з васьмі вебінараў на платформе ZOOM, якія будуць праходзіць па серадах з 19 красавіка па 7 чэрвеня 2023 года. Ён цалкам практыкаарыентаваны і прадугледжвае актыўны ўдзел навучэнцаў у абмеркаваннях і выкананні практычных заданняў падчас вебінараў.

Чым карысны Фактчэк-марафон:

• зразумееце, якія задачы вырашае фактчэкінг і чаму без яго не абысціся;
• атрымаеце правілы, якія працуюць, і спецыяльныя методыкі праверкі інфармацыі, якія дапамогуць павысіць давер да журналісцкіх матэрыялаў, пазбегнуць самых распаўсюджаных памылак і судовых разбіральніцтваў;
• вывучыце алгарытм выяўлення і абвяржэння фэйкаў;
• высветліце, як працуюць тэорыі змовы і чаму да іх звяртаюцца прапагандысты;
• разберацеся, чым маніпуляцыя адрозніваецца ад фэйка (і што больш небяспечна), як працуюць пяць асноўных маніпулятыўных тэхнік у навінавай інфармацыйнай карціне і якія простыя інструменты дазваляюць іх выкрыць;
• створыце ўласны фактчэк-алгарытм.

Асноўныя трэнеры і спікеры Фактчэк-марафона:

• Аляксей Шота, галоўны рэдактар і выдавец Hrodna.life, медыятрэнер;
• Вольга Юркова, сузаснавальніца незалежнай украінскай арганізацыі StopFake.org;
• Віктар Малішэўскі, медыяэксперт, у журналістыцы 28 гадоў;
• Дзмітрый Стаянаў, фактчэкер (OCCRP, RISE Moldova, BIC);
• Ірына Сідорская, спецыялістка ў сферы камунікацыі, незалежная даследчыца, доктар філалагічных навук, кіравала групай даследчыкаў «Канспіралогія ў медыйнай прапагандзе».

Падаць заяўку

Праграма Фактчэк-марафона

Прапануем вам азнаёміцца за папярэднім раскладам і тэмамі адукацыйнай праграмы. Вебінары будуць праходзіць у ZOOM па беларускім часе.

• 19 красавіка, 18:00 – 20:30 – Фактчэкінг за 5 хвілін. Тэхналогія фактчэкінга на падставе рэальных кейсаў.
• 26 красавіка, 18:00 – 20:30 – Даступныя і бясплатныя інструменты фактчэкінгу.
• 3 траўня, 18:00 – 20:30 – Кейс-стадзі па выкарыстанні найбольш складаных інструментаў праверкі інфармацыі.
• 10 траўня, 18:00 – 20:30 – Чым маніпуляцыя адрозніваецца ад фэйку. Як гэта працуе і што больш небяспечна.
• 17 траўня, 18:00 – 20:30 – Канспіралогія ў медыйнай прапагандзе: распазнаванне і супрацьдзеянне. Ці кейс-стадзі.
• 24 траўня, 18:00 – 20:30 – Кіберзброя Deepfakes: як выявіць візуальны кантэнт з маніпуляцыямі.
• 31 траўня, 18:00 – 20:30 – Верыфікацыя карыстальніцкага кантэнта ў надзвычайных сітуацыях і паўсядзённай працы.
• 7 чэрвеня, 18:00 – 20:30 – Фактчэкінг як рэдакцыйны стандарт. Практыкум па правядзенні ўласных фактчэкінгавых даследаванняў.

Асобы, якія прайшлі конкурсны адбор, атрымаюць запрашэнне і спасылку на канферэнцыю на платформе ZOOM за дзень, а таксама за гадзіну да пачатку першага вебінара, які адбудзецца 19 красавіка а 18.00.

Удзельнікі, якія паспяхова пройдуць Фактчэк-марафон, атрымаюць па заканчэнні сертыфікат.

Фактчэк-марафон «Давярай, але правярай» праходзіць у межах праекту ад Рэгіянальнага офісу Прадстаўніцтва Фонду ім.Фрыдрыха Эберта «Дыялог Усходняя Еўропа».

---