Распачаўся прыём заявак у міжнародны клас па вывучэнню фотажурналістыкі ў Гановеры

Гановерскі ўніверсітэт прыкладных навук і мастацтваў (Hochschule Hannover) запрашае студэнтаў на міжнародны клас па вывучэнню фотажурналістыкі і дакументальнай фатаграфіі. Праграма разлічана на адзін семестр з пачатку сакавіка па ліпень 2023 года. За гэты час студэнты даведаюцца, як візуалізаваць тэмы і кантэнт для ўсяго спектру журналісцкіх публікацый, у рамках дыскурсу дакументальнай фатаграфіі.

Кожны студэнт міжнароднага класа павінен мець выдатнае партфоліа і добрыя веды англійскай мовы (узровень B2/CEFR).

Заняткі па вучэбнай праграме праводзяцца выкладчыкамі, а таксама сусветна вядомымі фатографамі і іншымі экспертамі, такімі як Андрэа Гʼестванг (Andrea Gjestvang), Мадс Нісен (Mads Nissen) і Дамінік Нар (Dominic Nahr).

Адукацыйныя класы

• Дакументальная фатаграфія і сторытэлінг.
• Партрэтная фатаграфія.
• Палітыка самапрэзентацыі.
• Мастацтва фотакнігі.
• Практыка і тэорыя куратарства і выставы.
• Факультатыўны курс.

Як прыняць удзел

Калі вы не зʼяўляецеся студэнтам аднаго з універсітэтаў-партнёраў, вы можаце прыняць удзел у праграме як freemover – падаць заяўку непасрэдна ў Гановерскі ўніверсітэт прыкладных навук і мастацтваў. Для гэтага напішыце ліст на адрас hsh-incoming@hs-hannover.de да 15 кастрычніка 2022 года. З вамі звяжуцца пасля заканчэння тэрміну прыёму заявак і паведамяць аб наступных кроках вашай заяўкі.

Аплікант павінен

• Прадаставіць лічбавае партфоліа сваіх работ (2-3 праекты/серыі; кожны праект/серыя змяшчае 12-15 фатаграфій).
• Матывацыонны ліст (500 слоў), у якім апісаць, чаму вы хочаце далучыцца да праграмы.
• Рэкамендацыйны ліст і, пажадана, дадатковыя спасылкі, калі такія маюцца.
• Поўнае CV.

Калі ў вас ёсць пытанні аб працэсе падачы заяўкі, калі ласка, звяжыцеся з: hsh-incoming@hs-hannover.de.

Крыніца

Фота на вокладцы: hs-hannover.de

---

Магчымасці, якія могуць вас зацікавіць:

Бясплатны анлайн-курс па дакументальнай фатаграфіі. Дэдлайн – 24 верасня 2022 года.

«Плошча перамен»: з’явіўся мультымедыйны праект аб знакавым месцы Мінска

---