Рэзiдэнцыя для журналістаў у Партугаліі ад Free Belarus Center

Дэдлайн падачы заявак: 9 лютага 2024 года

Падаць заяўку могуць дасведчаныя журналісты і журналісткі, якія знаходзяцца на стадыі рэалізацыі ўласнага праекта, распрацоўкі праектных канцэпцый, медыя-кампаній, журналісцкіх расследаванняў і сацыяльных даследаванняў, але патрабуюць бяспечных умоў, якія б дапамаглі прадухіліць выгаранне.

Удзельнікам забяспечваюць пражыванне, праезд, стыпендыю ў памеры 500$ раз на месяц, а таксама юрыдычную, псіхалагічную, ментарскую і экспертную падтрымку па запыце. Для падачы заяўкі на стыпендыяльную праграму патрэбна дадаць CV і рэкамендацыйныя лісты ад двух асоб.  Арганізатары не могуць гарантаваць падтрымку ў атрыманні візы.

Напрамкі патэнцыйных праектаў:

• інфармацыйныя праекты, накіраваныя на асвятленне актуальных беларускіх падзей;
• праекты, звязаныя з парушэннем правоў чалавека ў Беларусі і ў краінах, дзе ёсць беларуская дыяспара;
• сацыяльныя праекты, звязаныя з Беларуссю і краінамі, дзе ёсць беларуская дыяспара;
• культурныя праекты, звязаныя з Беларуссю і краінамі, дзе ёсць беларускія актывісты_кі.

Па сканчэнні рэзідэнцыі чакаецца, што ўдзельнікі прадставіць канкрэтныя рэзультаты сваёй працы.

Стыпендыя НЕ падтрымлівае:

• праекты і ініцыятывы, якія накіраваныя на дзяцей і падлеткаў;
• некалькі мерапрыемстваў, не звязаных паміж сабой агульнай мэтай;
• правядзенне і арганізацыя канферэнцый, трэнінгаў, інш.

Пачатак стыпендыяльнай рэзідэнцыі – 11 сакавіка.

Падаць заяўку

---