Арганізатары Школы журналістыкі прапануюць чатыры дні інтэнсіўных практычных заняткаў афлайн. Для паспяховых кандыдатаў есць магчымасць праходжання стажыроўкі ў рэдакцыях беларускіх медыяў.
Калі: 11-14 красавіка 2024 года
Дэдлайн падачы заявак: 31 сакавіка 2024 года
Запрашаюць беларусаў з Польшчы і Літвы, якія маюць досвед працы ў рэдакцыях беларускіх медыя да 1 года, альбо толькі плануюць паспрабаваць сябе ў журналістыцы. Магчымы ўдзел людзей і з іншых краін, калі яны згодныя самастойна аплаціць свой праезд (арганізатары кампенсуюць дарожныя выдаткі ў памеры да 50 еўра).
Што ўваходзіць у праграму: раскажуць як пісаць навіны, праводзіць інтэрв’ю, ствараць эксплэйнеры і інфаграфіку. Пазнаёмяць з прафесійнымі і этычнымі стандартамі журналістыкі. Навучаць працаваць з карыснымі інструментамі і сэрвісамі.
Анлайн-стажыроўка ў рэдакцыях пройдзе ў красавіку-траўні. Паралельна з ёй вы будзе магчымасць наведваць два дадатковыя анлайн-курсы па тэмах, якія будуць найбольш запатрабаваныя. Удзельнікі, якія пройдуць увесь цыкл навучання, атрымаюць сертыфікаты.
Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт
