Стадзі-тур у Берлін па тэме міграцыі

Стадзі-тур для журналістаў_ак і актывістаў_ак, якія працуюць з тэмай міграцыі.  Удзельнікі абмяняюцца досведам і атрымаюць магчымасць пераасэнсаваць звыклыя практыкі. Мерапрыемства ладзяць аб’яднанне беларусаў Нямеччыны Razam e.V. і арганізацыя ІншыЯ.

Ілюстрацыя: Unsplash

Дэдлайн падачы заявак: 11 траўня 2025 года

Тур пройдзе з 16 чэрвеня па 20 чэрвеня. Будуць пакрытыя выдаткі на дарогу і забяспечана пражыванне падчас мерапрыемства. Візавая падтрымка не прадугледжаная.

Каго чакаюць:

• тых, хто асвятляе гэтую тэму ў медыя;
• хто рэалізуе ініцыятывы для людзей з досведам міграцыі;
• у каго ёсць уласныя праекты ў гэтай галіне.

Што чакае ўдзельнікаў:

• сустрэчы з прадстаўнікамі_ніцамі нямецкіх медыя і НДА;
• абмен лепшымі практыкамі нямецкіх калегамі і каляжанкамі па тэме міграцыі і бежанства;
• абмеркаванне магчымасцяў адаптацыі гэтых практык да беларускага кантэксту;
• нэтворкінг з беларускімі журналіст_камі і актывіст_камі.

Вынікі адбору будуць абвешчаны не пазней за 20 траўня. Праграму і лагістычныя падрабязнасці адабраныя ўдзельні_цы атрымаюць асобным лістом.

Плануецца яшчэ адзін стадзі-тур на тэму скразных каштоўнасцяў. Каб першымі атрымаць інфармацыю, запоўніце форму.

ПАДАЦЬ ЗАЯЎКУ