Стакгольмская школа эканомікі ў Рызе запрашае на медыяфорум

Фота: Centre for Media Studies at SSE Riga ў Facebook

Дэдлайн рэгістрацыі: 1 верасня 2023 года.

Форум ставіць мэтай аб’яднаць медыябізнес-супольнасць, натхніць і даць новыя прафесійныя веды. Акрамя гэтага, удзельнікам дапамогуць выявіць схаваныя магчымасці і ўстойлівыя бізнес-мадэлі ў свеце медыябізнесу, які пастаянна змяняецца.

На Форуме абмяркуюць:

• будучыню медыйнага бізнесу;
• памылкі, на якіх можна павучыцца;
• новыя найбольш эфектыўныя медыяфарматы і стратэгіі прыцягнення аўдыторыі.

Падрабязней пра Форум

Для каго гэты Форум:

• прафесіяналаў у галіне СМІ;
• журналістаў;
• рэдактараў;
• інаватараў у галіне лічбавых тэхналогій;
• спецыялістаў па маркетынгу;
• даследчыкаў СМІ і журналістыкі;
• дызайнераў і прадстаўнікоў сумежных галін.

Што вы атрымаеце ад удзела ў Форуме

Удзельнікі атрымаюць інфармацыю ад міжнародных прафесіяналаў у галіне медыя і наватараў, а таксама даведаюцца пра прарыўныя ідэі і бачанне, паслухаюць натхняльныя гісторыі поспеху і апошнія вынікі даследаванняў. У выніку вы будзеце ў курсе самых актуальных тэм галіны.

Падчас Форуму ў вас будзе магчымасць сустрэцца з прафесіяналамі ў галіне СМІ, журналістыкі, маркетынгу і тэхналогій, магчымымі новымі партнёрамі і кліентамі з усяго свету. Удзельнікі будуць мець выдатныя магчымасці сустрэцца і абмяняцца кантактамі падчас перапынкаў і прыёму ў першы дзень Форуму.

Як прыняць удзел

Цэнтр медыядаследаванняў SSE Riga выдзяляе спецыяльную стыпендыю для журналістаў і медыяпрафесіяналаў, якія кіруюць нядаўна створаным незалежным і якасным сродкам масавай інфармацыі, або тым, якое яшчэ не прыносіць прыбытку. Для гэтага неабходна даслаць матывацыйны ліст і матэрыялы (спасылкі, публікацыі і інш.), якія дэманструюць вашу працу. Стыпендыя не ўключае праезд і пражыванне.

Набыць квіток на сайце SSE Riga

Медыйныя арганізацыі з краін Усходняга партнёрства і НДА могуць падаць заяўку на спецыяльны тарыф па кошце 200 еўра + VAT.