Стыпендыя для журналістаў John S. Knight (Стэнфард, ЗША)

Дэдлайн заявак: 6 снежня 2023 года.

Чакаюць заяўкі журналістаў, якія імкнуцца даследаваць, выяўляць і тэставаць ідэі па паляпшэнні доступу да навін, а таксама інфармацыі, неабходнай людзям для стварэння і падтрымкі моцных дэмакратычных суполак.

John S. Knight Journalism Fellowships гэта індывідуальны вопыт, які пераплятаецца з групавымі мерапрыемствамі. Яны праводзяцца два разы на тыдзень і ўключаюць семінары па лідэрству, навучанне навыкам і дыскусіі з запрошанымі экспертамі.

Стыпендыя складаецца з двух асноўных кампанентаў:

1. Вывучэнне і праверка ідэй па вырашэнні праблем у журналістыцы, над якімі вы хочаце працаваць.
2. Вызначэнне вобраза мыслення і інструментаў, неабходных для таго, каб стаць больш устойлівым лідэрам і агентам пераменаў.
   

   Падаць заяўку 

У стыпендыятаў будуць наступныя магчымасці:

• Індывідуальныя семінары, якія дапамагаюць развіць мысленне лідэра.
• Спецыяльна распрацаваныя групавыя практыкаванні, якія дапамогуць фарміраванню каштоўных і ўстойлівых асабістых і прафесійных адносін.
• Час і свабода для карыстання інтэлектуальнымі рэсурсамі Стэнфарда.
• Сяброўства ў глабальнай суполцы выпускнікоў праграмы.
• Аплата навучання ў Стэнфардзе для стыпендыятаў і Стэнфардская медыцынская страхоўка для стыпендыятаў, супругаў і дзяцей.
• Саветы і рэкамендацыі па пошуку арэндаванага жылля.

Фінансавая інфармацыя:

Стыпендыя складае 95 000 даляраў плюс даплата на жыллё (для дапамогі ў аплаце арэнды).

Вам варта падаць заяўку, калі вы:

• Жадаеце развівацца як журналіст і лідэр, і ўпэўнены, што ваша лепшая праца наперадзе.
• Імкнецеся да камунікацыі з іншымі журналістамі, з розным прафесійным і асабістым досведам.
• Гатовы адкласці бягучыя працоўныя абавязкі і адправіцца ў 10-месячнае падарожжа прафесійнага і асабістага даследавання.
• Імкнецеся займацца журналістыкай.

Падаць заяўку 

 Перакладзена на беларускую мову Прэс-клубам

---