Стыпендыя ICFJ Knight Fellowships 2024

Дэдлайн заявак: 29 лютага 2024 года

Стыпендыя ICFJ Knight Fellowships накіравана на тое, каб даць журналістам рэсурсы, ментарства і час для ажыццяўлення сваіх інавацыйных ідэй.

Заяўкі могуць падаць аўтарытэтныя журналісты з прыкладам эфектыўнай журналісцкай працы. Стыпендыяты будуць базіравацца ў сваіх краінах, за выключэннем журналістаў, якія знаходзяцца ў выгнанні. Ім будзе прадастаўлены штомесячны ганарар і прафесійныя выдаткі, каб яны маглі працаваць над сваімі праектамі. Дапускаецца работа па-за стыпендыяй, якая мае дачыненне да праекта.

Кандыдаты павінны прадставіць падрабязную праектную прапанову, у якой паказаны мэты праекта, інавацыйныя элементы падыходу і чаканыя вынікі. Неабходны меркаваны бюджэт праекта. Кандыдаты таксама павінны прадэманстраваць, як іх мінулая праца звязана з прапанаваным праектам стыпендыі, і план развіцця праекту пасля заканчэння стыпендыі.

Магчымыя тэмы інавацыйных прапаноў:

• як штучны інтэлект можа дапамагчы журналістыцы;
• стварэнне супольнасцяў і рэсурсаў для журналістаў у выгнанні;
• барацьба з дэзінфармацыяй, асабліва падчас выбараў;
• інавацыйнае асвятленне праблемы змены клімату;
• стварэнне агульных службаў ці інфраструктуры для садзейнічання незалежнай журналістыкі.

Падаць заяўку

Перакладзена на беларускую мову Прэс-клубам Беларусь

---