Стыпендыя Ochberg Fellowship 2024 у Цэнтры журналістыкі і траўмы (ЗША)

Ілюстрацыя: Emiliano Bar/Unsplash

Дэдлайн: 21 лютага 2024 года

Запрашаюць прафесійных журналістаў і журналістак з любой часткі свету, з досведам не менш за пяць гадоў, якія жадаюць больш даведацца пра спецыфіку асвятлення тэм, звязаных з гвалтам, канфліктамі і трагедыямі.

Праграма ўключае семінары, дыскусіі, інфармацыйныя брыфінгі са спецыялістамі ў галіне траўмы і псіхічнага здароўя. Таксама будзе магчымасць пазнаёміцца з калегамі-журналістамі з іншых краін, абмеркаваць пытанні этыкі.

Каб падаць заяўку, патрэбныя:

• CV;
• ліст зацікаўленасці, дзе распавядаецца пра ваш досвед асвятлення гвалту і траўмаў і праблемы, з якімі вы сутыкнуліся (не больш за 2 старонкі);
• два прыклады работ, якія павінны быць апублікаваны або транслявацца на працягу апошніх 24 месяцаў у прафесійных СМІ;
• два рэкамендацыйныя лісты.

Веданне англійскай мовы абавязковае.

Стыпендыя пакрывае кошт паездкі, пражывання ў Нью-Ёрку, харчавання і іншых выдаткаў, звязаных з праграмай.

Падаць заяўку

Перакладзена на беларускую мову Прэс-клубам Беларусь