Тры вакансіі ў «Нашай Ніве»: перакладчык, тыктокер, журналіст

Праца па афіцыйнай дамове, заробак на картку. Рэдакцыя дапамагае ў легалізацыі. Выдатны калектыў.

Перакладчык з англійскай мовы на беларускую

Трэба дасканала, свабодна валодаць беларускай мовай і ўмець хутка і якасна пераказваць артыкулы. Перадумова — шырокі кругагляд, вялікае кола чытання СМІ і хуткадзейнасць.

Тыктокер для навіннага канала

Трэба ўмець добра трымацца ў кадры і мантажаваць. І хацець стаць зоркай.

Журналіст, які хоча працаваць з відэа, пісаць сцэнары відэасюжэтаў

Патрэбныя людзі, здольныя пісаць сцэнары для відэасюжэтаў (партрэтных і пра падзеі). Базавае патрабаванне — уменне добра пісаць. Акрамя таго, трэба ўмець шукаць інфармацыю, у тым ліку распытваць людзей.
Калі вы гатовыя працаваць і ў кадры — вялікі дадатковы плюс.
Калі вы маеце журналісцкі досвед, але ніколі не працавалі з відэа — не бяда. Калі вы гатовыя вучыцца, то дашліце  прыклады сваіх тэкставых публікацый.

Дасылайце свае прапановы,  інфармацыю пра сябе і спасылкі на свае сацыяльныя сеткі, а таксама ўсё, што можа сведчыць на вашу карысць, на nivanasha@proton.me.

Можна высылаць і прыватна ў сігнал і тэлеграм тым рэдактарам і журналістам «Нашай Нівы», якіх вы ведаеце асабіста, калі вы лічыце гэта больш бяспечным для сябе.