Вэбінар для журналістаў, якія працуюць з гістарычнай тэматыкай

Вэбінар пройдзе 22 лютага 2024 года. Пачатак : 18:00 па Мінску, 17:00 (Вільня), 16:00 (Варшава)

Удзельнікі атрымаюць запрашэнне і спасылку на трансляцыю за дзень і за гадзіну да пачатку вэбінару.

Апошнім часам дзяржава ўсё больш актыўна навязвае сваю версію гісторыі Беларусі, якая не церпіць альтэрнатыўных меркаванняў, асабліва па складаных і спрэчных пытаннях. Але поглядаў на гісторыю Беларусі можа быць значна болей. Сведчанне таму — асабістыя лёсы людзей.

Пра што вэбінар:

• пра асаблівасці працы з рознымі гістарычнымі перыядамі;
• як збіраць звесткі пра герояў;
• дзе шукаць крыніцы інфармацыі;
• якія цікавосткі можна знайсці на старых здымках і ў сямейных архівах;
• як эфектыўна камунікаваць са сваякамі герояў;
• як карыстацца рознымі базамі дадзеных і рэканструяваць асабістыя гісторыі герояў па дробных звестках.

Хто праводзіць: журналіст-даследчык Ігар Станкевіч, складальнік курсу «Радавод. Аднаўляем гісторыю сваёй сям’і і краіны».

Рэгістрацыя