Vilnius Photo Circle працягнуў дэдлайн для падачы фотагісторый на конкурс

Дэдлайн падачы заявак на конкурс The Circle of Life працягнуты да: 14 ліпеня 2023 года, да 23.59 CET.

Конкурс The Circle of Life

The Circle of Life – галоўная частка фестывалю Vilnius Photo Circle. Да ўдзелу ў конкурсе запрашаюцца прафесійныя фотажурналісты.

• На конкурс прымаюцца толькі фотагісторыі. Яны павінны складацца з 5-16 здымкаў, створаных за апошнія 5 гадоў (з 2019 года па сённяшні дзень). Адзін удзельнік можа даслаць на конкурс дзве фотагісторыі.
• Памер фотаздымка павінен быць ад 3000 да 4500 пікселяў па большым баку, файл JPEG не больш за 4,5 Мб.
• Апісанне серыі неабходна падаць як подпіс да першай карцінкі.
• Фотаздымкі павінны быць з подпісамі ў адпаведных палях і ўключаць інфармацыю аб файле. Прапісаць гэта магчыма ў праграмах Adobe Photoshop, Lightroom або Photo Mechanic.

Ад пяці да сямі лепшых фотагісторый, адабраных міжнародным журы, будуць выстаўлены падчас фестывалю і апублікаваны ў часопісе Photo Circle.

Падаць фотаздымкі на конкурс

Галоўны спонсар фестывалю FUJIFILM узнагародзіць пераможцу конкурса The Circle of Life камплектам фотатэхнікі Fujifilm X-T5 і FujinonXF18-55.

Конкурс Homework

Конкурсная праграма Homework адкрыта для фатографаў ва ўзросце да 30 гадоў (1993 года нараджэння ці пазней). Сачыце на сайце фестывалю ці на старонцы ў Facebook пра дату пачатку прыёму прац і дэдлайн для гэтага конкурсу. Інфармацыя з’явіцца неўзабаве.

Узнагарода пераможцаў

Восенню 2023 года ў Вільнюсе пройдзе Photographers’ weekend, падчас якога адбудуцца:

• прэзентацыя прац фіналістаў;
• цырымонія ўзнагароджання пераможцаў;
• канферэнцыя The Boundaries of Photojournalism.

Фатографам, чые здымкі будуць выстаўленыя падчас фестывалю і апублікаваныя ў часопісе Photo Circle, будзе забяспечана бясплатнае пражыванне ў Вільнюсе на дзве ночы падчас Photographers’ weekend.

Для намінантаў конкурсу The Circle of Life (не менш за чатыры чалавекі) і намінантаў конкурсу Homework (не менш за 2 чалавекі) арганізатары пакрываюць выдаткі на праезд у памеры да 200 еўра (квіткі будуць браніраваць арганізатары).

Патрабаванні да фотаздымкаў

Для ўдзельнікаў усіх конкурсаў арганізатары прапануюць рэкамендацыі World Press Photo: правілы ўдзелу, этычны кодэкс і апісанне маніпуляцый.

Арганізатары могуць папрасіць удзельнікаў прадставіць дадатковую інфармацыю і файлы для працэсу верыфікацыі.

У конкурсах могуць прымаць удзел толькі здымкі, створаныя не раней 2019 года, за выключэннем выпадкаў, калі яны з’яўляюцца часткай доўгатэрміновага праекта. У гэтых выпадках справа будзе разглядацца асобна.

Арганізатары Vilnius Photo Circle маюць права выставіць адабраныя працы падчас фестывалю і апублікаваць іх у часопісе Photo Circle без выплаты аўтару (ці/і трэцяй асобе) ганарару. Увесь магчымы прыбытак ад продажу ці падпіскі на часопіс пойдзе на адукацыйную праграму фестывалю.

Калі ў вас ёсць якія-небудзь пытанні, калі ласка, звяжыцеся з арганізатарамі па электроннай пошце: photocircle@pressphoto.lt або па мабільным тэлефоне +37069921807.

---