Вільнюскі фестываль кароткаметражнага кіно запрашае ўдзельнікаў

Дэдлайн падачы заяўкі: 15 ліпеня 2023 года.

Вільнюскі міжнародны фестываль кароткаметражнага кіно – адзін з найбуйнейшых фестываляў кароткаметражнага кіно ў краінах Балтыі, які прадстаўляе навейшыя і лепшыя кароткаметражныя фільмы з усяго свету.

Фестываль прапануе розныя спецыяльныя праграмы, у тым ліку рэтраспектывы еўрапейскіх і літоўскіх кінематаграфістаў, вечары кіно, тэматычныя кароткаметражныя фільмы, праграмы для старэйшай аўдыторыі і падборку фільмаў для дзяцей.

Правілы ўдзелу:

• міжнародны конкурс адкрыты для кароткаметражных фільмаў з любой краіны (за выключэннем Літвы і Расіі), усіх тэхнік вытворчасці і жанраў (ігравы, дакументальны, анімацыйны, эксперыментальны або гібрыдны) ад нізкага да высокага бюджэту;
• фільмы не павінны перавышаць 30 хвілін, уключаючы тытры;
• фестываль не патрабуе статусу прэм’еры, але адзначае, што гэта можа быць улічана ў працэсе адбору;
• фільмы павінны быць завершаны пасля 1 студзеня 2022 года;
• фільмы, якія прапагандуюць гвалт, расу і рэлігію, дыскрымінацыю па прыкмеце полу або ўтрымліваюць адкрытую рэкламу наркотыкаў, забараняюцца з праграмы Фестывалю;
• не прымаюцца незавершаныя фільмы;
• рэжысёрам дазваляецца падаваць больш за адзін фільм з асобнай заяўкай на кожную працу;
• усе неангламоўныя фільмы павінны ўтрымліваць англійскія субтытры.

Падрабязней пра ўмовы

Як падаць заяўку

Падача заяўкі платная і каштуе 5 еўра.

Падаць заяўку

Арганізатары абвесцяць аб выніках адбору 15 лістапада 2023 года.

Фільмы ў конкурсе ацэньвае каманда міжнароднага журы, якое прысуджае тры прызы:

• Гран-пры фестывалю;
• Лепшы міжнародны кароткаметражны фільм;
• Лепшы літоўскі кароткаметражны фільм.

Кожны пераможца ўзнагароджваецца грашовай прэміяй.

Калі ў вас ёсць нейкі пытанні адносна падачы заяўкі, можна напісаць на programming@filmshorts.lt.

---