«Вольнае слова» распачынае прыём заявак

Ілюстрацыя: БАЖ

Дэдлайн заявак: 31 сакавіка 2024 года

Умовы конкурсу:

• прымаюцца працы ад беларускіх аўтараў і аўтарак незалежных медыя;
• ад адной асобы на конкурс прымаюцца не больш за тры матэрыялы, якія былі апублікаваныя ў 2023 годзе, альбо цыкл публікацый;
• матэрыялы на конкурс падаюцца аўтарамі з рэкамендацыяй рэдакцый, дзе яны былі апублікаваныя.

Намінацыі:

• найлепшы інфармацыйны матэрыял; (рэпартаж, інфармацыйнае паведамленне, інтэрв’ю, справаздача);
• найлепшая аналітычная публікацыя (артыкул дыскусійнага, аналітычнага, тлумачальнага плана, карэспандэнцыя, рэцэнзія);
• найлепшая публікацыя мастацка-публіцыстычнага жанру ў журналістыцы (нарыс, эсэ);
• журналісцкае расследаванне.

Новаўвядзенне гэтага года: ва ўсіх намінацыях, акрамя намінацыі «Журналісцкае расследаванне», журы будзе асобна ацэньваць тэкставыя і відэаматэрыялы. Для апошніх прадугледжана і асобная ўзнагарода. Што тычыцца намінацыі «Журналісцкае расследаванне», то ў ёй усе дасланыя на конкурс матэрыялы (тэксты, відэа, аўдыя і г.д.) будуць «спаборнічаць», як і раней: незалежна ад формы і фармату.

Па ўсіх пытаннях звяртайцеся на адмысловы адрас, зроблены Еўрапейскай федэрацыяй журналістаў для патрэбаў конкурсу – volnaeslova@gmail.com.

Падаць заяўку