«Журфак па суботах»: адукацыйны курс для беларускіх журналістаў, якія хочуць больш

Дэдлайн падачы заявак: 22 верасня да 16:00 (СЭТ)

Фармат: афлайн у Варшаве і Вільні (па суботах, ад кастрычніка да сярэдзіны снежня)

Навошта вам гэта патрэбна?

• вы зможаце паглядзець на журналістыку па-новаму, пазнаёміцеся з сістэмай, па якой працуюць заходнія медыя;
• навучыцеся больш крэатыўна працаваць з ідэямі, інфармацыяй і аўдыторыяй;
• атрымаеце больш грунтоўныя навыкі па AI, SEO, пабудове cупольнасці вакол медыя;
• папрацуеце са складанымі этычнымі кейсамі;
• зможаце стварыць гісторыю, якой будзеце ганарыцца. Кожны студэнт будзе мець падтрымку ментара-трэнера, з якім на працягу  курса зможа працаваць над сваёй гісторыяй. На 10 занятку вас будзе чакаць пітчынг вашага лонгрыду.

«Журфак па суботах» — гэта не набор асобных тэматычных трэнігаў, а суцэльная адукацыйная праграма, якая пабудаваная на этапах стварэння матэрыяла — тут усе трэнінгі звязаныя. Кожны ўдзельнік пройдзе праз поўны цыкл працы над журналісцкім матэрыялам — ад ідэі да гатовай публікацыі і распаўсюду.

Сярод трэнераў толькі практыкуючыя журналісты і рэдактары, якія маюць трэнерскую адукацыю. У Варшаве гэта:  Наста Роўда, дырэктарка Нашай Нівы, Сяргей Сахараў, галоўны рэдактар CityDog, Вольга Ярохіна рэдактарка сайту belsat.eu, Надзея Белахвосцік старшыня Рады па медыяэтыцы беларускіх незалежных медыяў, Ніна Шулякова — шэф-рэдактарка Devby.io, Лена Верашчагіна, галоўная рэдактарка медыя для медыяў Соль ды іншыя.

Праграму адмыслова для «Журфака» распрацавала выбітная ўкраінская журналістка і медыяменеджарка, медыякансультантка Каця Гарчынская, якая супрацоўнічае з The Wall Street Journal, The Financial Times, The Kiyv Post. 

Праграма:

(Курс збудаваны так, што кожную суботу журналісты праходзяць адзін крок да стварэння гісторыі)

• ідэя (трансфармацыя ідэі, трансфармацыя праз жанры);
• збор інфармацыі па сістэме 4 вёдраў і тэхнікі інтэрв’ю;
• факусіроўка;
• план гісторыі (тыпы лідаў, натграф, 5 схемаў для вашых патрэбаў);
• чарнавік;
• фактчэкінг;
• рэдактура.

Таксама будуць тэмы: АІ, User needs 2.0, журналісцкая этыка, OCCRP guidelines, як не выгараць журналістам, праца з супольнасцю, СММ, мультымедыйнае планаванне, SEO аптымізацыя.

Падрабязная праграма

«Журфак па суботах» складаецца з трох модуляў. Гэта суцэльная праграма, у якой адзін модуль — для пачаткоўцау, другі — для прафесіяналаў, і трэці модуль гэта спецыялізацыя

• вясна 2025 года: прайшоў першы модуль для журналістаў-пачаткоўцаў: тады ў Варшаве і Вільні адукацыйны курс прайшлі 32 журналісты. Пачаткоўцы напісалі 58 артыкулаў, якія былі апублікаваныя ў беларускіх незалежных медыях, і шмат для каго гэта былі першыя публікацыі ў жыцці. Дзякуючы “Журфаку” 9 чалавек знайшлі новую працу ў рэдакцыях;
• кастрычнік-снежань 2025 года: другі модуль паглыбляе базавыя веды і паказвае іншую сістэму працы;
• вясна 2026 года: трэці модуль будзе прысвечаны спецыялізацыі.

Хачу падаць заяўку (Польшча)

Па дадатковую інфармацыю звяртайцеся на адрас: zurfak@solidarityby.eu

 

Хачу падаць заяўку (Літва)

Па дадатковую інфармацыю звяртайцеся на адрас: zurfak@baj.media)

«Журфак па суботах»— гэта супольны праект Кааліцыі за Устойлівы Беларускі Інавацыйны Кантэнт (КУБІК/COCOFAB), які рэалізуецца кансорцыумам Free Press for Eastern Europe, Беларускай асацыяцыяй журналістаў і Press Club Belarus пры фінансавай падтрымцы Еўрапейскай Камісіі. 

---