Ідзе прыём заявак на гранты для медыя ад Local Media for Democracy

Дэдлайн падачы заявак: 28 верасня 2023 года, 13:00 CEST.

Медыя, якія прайшлі адбор, атрымаюць тэхнічную і ментарскую падтрымку (пад кіраўніцтвам International Media Support), каб палепшыць свой арганізацыйны патэнцыял, інавацыі ў журналістыцы і ўстойлівасць бізнесу.

Грант можа быць выдадзены кандыдатам, якія працуюць у геаграфічных ці адміністрацыйных рэгіёнах, дзе цяжка ці немагчыма атрымаць доступ да надзейных незалежных мясцовых, рэгіянальных і грамадскіх медыя. Ці медыя ў рэгіёне сканцэнтраваны на эканамічных, палітычных ці іншых інтарэсах.

Раўнды падачы заявак

Для грантавай праграмы Local Media for Democracy запланавана два раўнды падачы заявак у 2023 годзе. Агульная даступная сума за раўнд, якая будзе размеркавана паміж усімі падтрыманымі праектамі, складзе 600 000 еўра. Цяпер ідзе прыём заявак на другі раўнд.

Патрабаванні для заяўнікоў:

• юрыдычныя асобы павінны мець абарот менш за 1,5 млн еўра і не павінны быць часткай групы або кансорцыўма з кансалідаваным абаротам, які перавышае суму 3 млн еўра;
• праекты заяўнікоў прыносяць карысць грамадскасці, асабліва мясцовым грамадзянам і супольнасцям, чые інтарэсы лепш за ўсё абслугоўваюць якасныя, этычныя і плюралістычныя мясцовыя медыя;
• праект павінен быць вызначаны ў часе (максімальны тэрмін праекта не можа перавышаць 7 месяцаў);
• заяўка на грант павінна быць накіравана на падтрымку акрэсленых інавацыйных праектаў, якія выходзяць за рамкі звычайнай дзейнасці арганізацыі;
• медыя павінны быць юрыдычнымі асобамі, афіцыйна зарэгістраванымі не менш чым за год да заканчэння тэрміну падачы заявак на грант;
• медыя ўжо рабілі журналісцкі кантэнт даступным для шырокай грамадскасці як мінімум за год да заканчэння тэрміну падачы заявак на грант;
• заяўнікі арыентаваны на шырокую аўдыторыю ў адпаведным рэгіёне;
• адзін заяўнік можа падаць толькі адну праектную заяўку.

Падрабязней пра ўмовы

Як падаць заяўку

Зарэгіструйцеся на спецыяльнай платформе.

Падайце інфармацыю па свайму праекту:

• інфармацыю і дакументы аб арганізацыі;
• інфармацыя аб сваім праекце;
• падрабязны бюджэт праекта ў адпаведнасці з шаблонам.

Праграма падтрымліваецца Еўракамісіяй.

---