Спецкурс «Краўдфандынг для медыя»

Калі: 20 і 24 лістапада 2023 года, 15:00—18:00 (Варшава)

Спецкурс пройдзе анлайн у Zoom.

РЭГІСТРАЦЫЯ

Для каго будзе карысным: для медыйшчыкаў, прадстаўнікоў рэдакцый, дзе ўжо ёсць уласныя кампаніі па зборы данатаў і неабходнасць іх удасканаліць, а таксама для тых, хто хоча такія кампаніі запланаваць і распачаць.

Падчас заняткаў вы даведаецеся:

• Калі збор данатаў ад аўдыторыі мае шанец на поспех;
• Як падабраць ключ да тых, хто гатовы падтрымаць рэдакцыю матэрыяльна;
• Што трэба ведаць і ўмець для запуску краўдфанда;
• Што краўдфандынг можа даць акрамя грошаў.

Падчас заняткаў мы будзем разглядаць рэальныя кейсы збораў, вывучаць асобныя платформы і інструменты, пагаворым пра тое, у якіх выпадках і якія падаткі трэба плаціць з такіх збораў (на прыкладзе Польшчы).

Трэнер: Зміцер Ягораў, на прафесійнай аснове займаецца распрацоўкай і запускам краўдфандынгавых кампаніяў для медыя і грамадскіх ініцыятываў. Медыямэнэджэр і журналіст з 23-гадовым досведам. Заснавальнік BelPolska_bot — праекта у Telegram пра працэдуры і фармальнасці ў Польшчы.

Колькасць месцаў абмежаваная. Калі будзе шмат запытаў, мы падумаем пра магчымасць правядзення яшчэ аднаго спецкурса па краўдфандынгу.

Вам будзе цікава пачытаць пра краўдфандынг для беларускіх медыя. Парады Зміцера Ягорава і спіс карысных пляцовак

---