Гранты для журналістаў-расследавальнікаў ад Belarus Beehive

Праграма Belarus Beehive адкрывае прыём праектных заявак для журналістыкі расследаванняў, якая дазваляе праліць святло на ўнутраную механіку ўлады, на павыбарчыя падзеі ў краіне, рэпрэсіі ды адказных за іх, і на падобныя тэмы.

Хто можа падаць заяўку

Перадусім, арганізацыі грамадзянскай супольнасці, як зарэгістраваныя (у Беларусі, суседніх краінах ці краінах – чальцах ЕЗ), так і незарэгістраваныя ініцыятывы. Асобы, якія дзейнічаюць ад імя нефармальнай групы ці ініцыятывы, таксама могуць падаць заяўку.
​
Атрымальнікі павінны мець адпаведную сістэму фінансавага кіравання дзеля забеспячэння адэкватнай справаздачнасці і кантролю, магчымасць падаць неабходную дакументацыю, якая пацвярджае выдаткі, ці быць гатовымі прайсці курс навучання ў галіне фінансавага кіравання.
​
Прэтэндэнты могуць дзейнічаць індывідуальна або ў партнёрстве. У выпадку партнёрства адна фізічная або юрыдычная асоба павінна выступаць як асноўная арганізацыя. Асноўнаму заяўніку дазваляецца выступаць як партнёру ў іншых праектах.

Як падаць заяўку

Форма заяўкі складаецца з двух абавязковых дакументаў:

• апісанне праекту;
• бюджэт у еўра.

​

Анкета запаўняецца на беларускай, рускай або англійскай мовах і можа ахопліваць адзін або некалькі тэматычных сектараў.

Падаць заяўку

Тэматычныя кірункі праграмы

Арганізатары фінансава падтрымліваюць грамадзянскія ініцыятывы і арганізацыі грамадзянскай супольнасці наступных тэматычных кірункаў:

• журналістыка расследаванняў;
• адукацыя;
• культура;
• мясцовае самакіраванне;
• прафсаюзы і працоўныя дачыненні;
• падтрыманне кааліцыяў.

​

Сярод прыярытэтных праграм, якія могуць падтрымаць арганізатары тыя, якія расследуюць падзеі павыбарчага перыяду, карупцыю, гвалт з боку сілавікоў у дачыненні пратэстоўцаў ды падобныя рэчы і падзеі апошняга часу.

Падрабязней пра тэматычныя накірункі і ўмовы праграмы

​Магчымыя тэрміны пачатку дзейнасці па праектах – з 1 лютага 2023 года.

Крыніца

Фота на вокладцы: belarusbeehive.eu

Яшчэ па тэме:

Гранты для незалежных медыя ад фонду National Endowment for Democracy

GIJN: 9 прыёмаў для расследавання праблем бежанцаў

Як журналісту шукаць людзей і кампаніі ў LinkedIn