Ідзе прыём фотаздымкаў на конкурс Istanbul Photo Awards

Istanbul Photo Awards – гэта міжнародны конкурс навінавай фатаграфіі для прафесійных фатографаў з усяго свету, які арганізуецца агенцтвам Anadolu. Anadolu – сусветнае інфармацыйнае агенцтва, якому больш за 100 гадоў. За восем гадоў на конкурс Istanbul Photo Awards зарэгістравалася каля 14 тысяч фатографаў.

Конкурсныя здымкі павінны быць зроблены ў перыяд з 1 студзеня па 31 снежня 2022 года.

Катэгорыі

Адзіночныя здымкі:

• навіны;
• спорт;
• партрэт;
• прырода і навакольнае асяроддзе;
• штодзённае жыццё.

Серыі могуць складацца з 10 здымкаў па тэмах:

• навіны;
• спорт;
• партрэт;
• прырода і навакольнае асяроддзе;
• штодзённае жыццё.

Адзіночны здымак з катэгорыі «Навіны», які атрымае 1-е месца, будзе адзначаны як «Фота года» і яго аўтар атрымае прэмію ў 6000 долараў ЗША.

Пераможцы, чые здымкі атрымалі 1-е месца ў намінацыі, атрымаюць прэмію ў памеры 3000 долараў ЗША. За 2-е месца ў кожнай з катэгорый прэмія будзе складаць 1500 долараў ЗША, а за 3-е – 1000 долараў ЗША.

Падаць фотаздымкі на конкурс

Усе фотаздымкі-пераможцы будуць адабраныя прафесійным журы.

Падрабязней пра правілы конкурса

Фатаграфіі, якія атрымалі ўзнагароды, будуць апублікаваны ў фотакнізе, якая будзе рассылацца прафесіяналам у галіне фатаграфіі амаль па ўсім свеце і дэманстравацца на выставах у важных галерэях па ўсім свеце.

Крыніца

Фота на вокладцы: Konstantinos Tsakalidis / istanbulphotoawards.com

Фотаконкурсы з блізкімі дэдлайнамі:

Распачаўся прыём заявак на конкурс World Press Photo

Ідзе прыём заявак на фотаконкурс «Сямейныя сувязі»