Аляксандр Лукашук

Аляксандр Лукашук скончыў Дзяржаўны педагагічны інстытут замежных моў у Мінску, працаваў перакладчыкам, журналістам, рэдактарам. З 1990 па 1992 год – галоўны рэдактар выдавецтва «Беларусь». З 1993 года – супрацоўнік, а потым і дырэктар «Радыё Свабода».

З 2004 па 2005 год – дырэктар Радыё «Свабодны Афганістан», у 2007 і 2008 гадах – выконваючы абавязкі галоўнага рэдактара «Радыё Свабода»/«Радыё Свабодная Еўропа».

Аляксандр Лукашук — адзін з заснавальнікаў «Мартыралогу Беларусі», член Камісіі Вярхоўнага Савета Рэспублікі Беларусь 13-га склікання па правах ахвяр палітычных рэпрэсій.

Аўтар гістарычных даследаванняў, напісаў некалькі кніг: «Здзек», «Філістовіч. Вяртанне нацыяналіста», «За кіпучай чэкісцкай работай», «У фіялетавай ночы вугал крыла», «Прыгоды АРА ў Беларусі», «След матылька: Освальд у Менску», «Зкімбы-зымбы», «Там, дзе няма цемнаты: Радыё Свабода».

Стыпендыят Гуверскага інстытута. Лаўрэат прэміі імя Алеся Адамовіча за стварэнне кніжнай серыі «Бібліятэка Свабоды», а таксама за выданне кніг «Прыгоды АРА ў Беларусі» і «Сьлед матылька: Освальд у Менску». Узнагароджаны медалём 100 гадоў БНР Рады Беларускай Народнай Рэспублікі.

У Прэс-клуб Беларусь адбылася прэзентацыя кнігі Аляксандра Лукашука «Там, дзе няма цемнаты: Радыё Свабода». Вытрымкі з гэтай кнігі знойдзеце тут.

Канспект сустрэчы з Аляксандрам Лукашуком у Прэс-клубе Беларусь таксама можна знайсці на нашым сайце.