Sony World Photography Awards запрашае фатографаў прыняць удзел у конкурсе

Sony World Photography Awards – гэта конкурс для фатографаў і мастакоў, якія працуюць у галіне фатаграфіі. Удзел у конкурсе – бясплатны, а галоўны прыз складае 25 000 долараў ЗША. Конкурс лічыцца адным з самых прэстыжных фотаконкурсаў у свеце, які спрыяе павышэнню кар’еры фатографаў – як пачаткоўцаў, так і прафесіяналаў.

Sony World Photography Awards складаецца з чатырох конкурсаў: для прафесіяналаў, адкрыты фармат, студэнцкі і моладзевы.

Конкурс для прафесіяналаў

На гэты конкурс прымаюцца серыі ад 5 да 10 здымкаў у кожнай з дзесяці катэгорый.

Прымаюцца неапублікаваныя працы, зробленыя ў перыяд з 1 студзеня 2022 года па 31 снежня 2022 года або зроблена ў любы час, але ніколі не дэманстравалася публічна. Для катэгорыі «Партфоліо» здымкі павінны быць зроблены за апошнія тры гады, а мінімум 5 здымкаў павінны быць зроблены ў 2022 годзе.

Апублікаваныя раней працы могуць быць зроблены ў любы час, але яны павінны быць замоўлены, набыты або ўпершыню апублікаваны ў перыяд з 1 студзеня 2022 года па 31 снежня 2022 года. Гэта могуць быць кнігі, часопісы, газеты, рэдакцыйныя артыкулы ў інтэрнэце і ў друкаваным выглядзе, вэб-сайты, якія займаюцца самвыдатам, у тым ліку персанальныя сайты, а таксама заказныя выставы ў галерэях.

Падрабязней пра ўмовы прафесійнага конкурсу

Конкурсныя катэгорыі:

• дакументальны праект;
• спорт;
• партрэт;
• навакольнае асяроддзе;
• дзікая прырода;
• пейзаж;
• нацюрморт;
• дызайн і архітэктура;
• крэатыў;
• партфоліо.

Падаць фотаздымкі на конкурс

Дэдлайн падачы фотаздымкаў на прафесійны конкурс: 13 студзеня 2023 года, да 14:00 СЕТ.

Арганізатары ўзнагародзяць фатографаў, якія занялі I, II і III месцы, а таксама да 7 фатографаў у шорт-лісце ў кожнай катэгорыі. Адзін агульны пераможца атрымае званне Photographer of the Year і будзе ўзнагароджаны сольнай прэзентацыяй сваёй працы ў рамках выставы Sony World Photography Awards London.

Адкрыты конкурс

На конкурс прымаюцца адзіночныя фотаздымкі, зробленыя ў 2022 годзе. Арганізатары ўзнагародзяць пераможцаў6 а таксама да 15 фатографаў у шорт-лісце ў кожнай з дзесяці катэгорый. Адзін пераможца ў агульным заліку атрымлівае званне Open Photographer of the Year.

Падрабязней пра ўмовы адкрытага конкурсу

Конкурсныя катэгорыі:

• партрэт;
• рух;
• стрыт-фота;
• жывёльны свет і дзікая прырода;
• пейзаж;
• падарожжы;
• архітэктура;
• абʼект;
• крэатыў;
• лайфстайл.

Падаць фотаздымкі на конкурс

Дэдлайн падачы фотаздымкаў на адкрыты конкурс: 6 студзеня 2023 года, да 14:00 СЕТ.

Крыніца

Фота на вокладцы: Sony World Photography / Facebook

Конкурсы для фатографаў:

Ідзе прыём фотаздымкаў на конкурс Istanbul Photo Awards

Распачаўся прыём заявак на конкурс World Press Photo

Ідзе прыём заявак на фотаконкурс «Сямейныя сувязі»